LAOAG CITY – Inbatad ni Professor Karl Lenin Benigno, political analyst iti Northwestern University a ti political dynasty ket maaddaan ti monopoly iti maysa a lugar nangruna no agturay ti maymaysa a pamilya.
Kuna na a dagiti agkakapamilya ti mangkontrol iti taray ti pulitiko ken iti ekonomiya iti maysa a lugar a pagturayan da.
Segun kenni Benigno, umab-abot ti agarup 70 a porsiento iti Kongreso ket miembro iti political dynasty dagiti maimpluwensya a political clans.
Inbatad na a saan laeng nga it Pilipinas iti addaan ti political dynasty ngem ketdi kadagiti nagduduma pay a democratic countries.
Kuna ni Benigno nga iti maysa pay a rason nga agraira ti political dynasty ket iti kaadda iti oportunidad iti maysa a politiko no sadinno a mabalin nga iyendorsar na ti kapamilya na nga agkandidato a mangsublat kenkuana a nakatugaw no sadinno a possible a kayat laeng a maprotektaran iti bukod nga interes.
Mainaig iti daytoy, maiyarig payen iti pribado a sanikua ti maysa a public office gapu kadagiti makastrek a miembro ti political clan.
Saan nga inlinged ni Prof Benigno a ti Marcos ket maysa a clan a naimpluwensya a pamilya iti pagilian ken iti local politics kangrunaan ditoy probinsya agraman dagiti dadduma a lugar gapu ta addaan da kadagiti kabagyan kas iti pamilya Romualdez a naikamang iti Marcos.
