LAOAG CITY – Awan ti piyansa dagiti kaso a maipila kontra ken ni Bamban, Tarlac Mayor Alice Guo iti Department of Justice inton sumaruno a lawas gubuay iti pannakairamramanna iti Philippine Offshore Gaming Operators.
Inbatad ni Presidential Anti-Organized Crime Commission Spokesperson Winston John Casio, ag-convene ti inter-agency body no sadino madesisionan ken lippasen dagiti a maipataw kontra ken ni Guo a kaadduan kadagitoy ket non-bailable cases.
Agpapan iti daytoy a gundaway, kuestionable pay laeng ti kinatao ken citizenship ni Guo.
Kuna ni Casio, nakaalada ti adua a dokumento nga adda ti nagan ken pirma ni Guo iti maysa a Philippine Offshore Gaming Operators hub iti compound a datina a sanikua.
Immunan a napatawan ti innem a bulan a suspensiyon ti Office of the Ombudsman idi Mayo 31 da Edwin Ocampo, Business Permit and Licensing Officer ken Municipal Legal Officer Adenn Sigua kagiddan ti administrative complaints ti Department of the Interior and Local Government iti kaso a grave misconduct, serious dishonesty, gross neglect of duty ken conduct prejudicial to the best interest of the service.
Kabayatanna, kuna ni Casio a saanda nga ikonkonsiderar a person of interest ni dati a Palace Spokesperson Harry Roque iti imbestigasion ti Philippine Offshore Gaming Operators operations iti Lucky South 99 iti Porac.
Maipalagip a sumagmamano a letter head ken surat ti nakita iti raid a pirmado ni Roque.
