LAOAG CITY – Kaadoan a mangikamkampanya ken ni US President Donald Trump ket dagiti pada na a negosyante idiay Amerika.
Daytoy ti nakalap nga impormasyon ni Bombo International Correspondent Manny Pascua idiay Hawaii.
Inbaga ni Pascua a basar kadagiti Pilipino a nakasarsarita na idiay Hawaii ket kangrunaan na dagiti agtrabtrabaho iti Landscaping, hotels ken condominiums a kasarsarita ida dagiti agtagikua a no mabalin ket ni Trump ti ibostos da.
Kuna pay ni Pascua a ti kabaraan nga isyu iti agdama idiay Amerika a pangdadael da ken ni Democrats presidential candidate Joe Biden ket ti kaadda ti koneksyon na kangrunaan na ti anak na kadagiti negosyante a chinese.
Kabayatanna, inbaga ni Pascua nga adon dagiti mangpadpadaan ti maudi a debate da Trump ken ni Biden.
Immunan nga inpakaammo ni Pascua nga addan ti naawat na a surat para iti panagbotos na idiay America.
