LAOAG CITY – Inpakaammo ni Local Government Operations Mr. Joey Francisco ditoy siudad ti Laoag a kaaduan kadagiti barangay ditoy ciudad ket saan a nakapasa ti financial aspect para iti Seal of Good Local Governance for Barangay.
Segun kenkuana, ado kadagiti Sangguniang Kabataan ti saan a nakapaglukat iti bank accountda.
Gapu iti daytoy ket adda dagiti saan a makastrek iti provincial level maipanggep iti Seal of Good Local Governance for Barangay.
Nupay kasta, adda ti uppat a barangay, a nakitaan ti potensial a makstrek iti sumuruno a tawen iti Seal of Good Local Governance for Barangay no sadinno bukbuklen daytoy iti Brgy. 2, Brgy. 61-Cataban, Brgy. 7 – A ken Brgy. 39 ditou ciudad.
Innayonna a ti maipanggep iti isyu a mapukpukaw a P1M fund iti pannakatarimaan ti dap-ayan iti Brgy. 20 ket saan pay a dimmanon iti opisinada.
Kinunana a ti nasao a pondo ket kinnidaw ti barangay manipud iti Congressionl Office.
Kabayatanna, inpasiguradona a duktalenda a nasayaat ti nasao a banag.
