LAOAG CITY – Inpasingked ni Mayor James Bryan Alcid a kaaduan nga empleado ti lokal a gobierno ditoy siudad ti Laoag ket nai-renew ti kontratada.
Segun kenkuana, awan ti rumbeng a pagdanagan gapu ta dumanon iti 99.97% kadagiti empleado ti naipabaro ti kontrata dagitoy.
Inlawlawagna nga adda dagiti sumagmamano nga empleado a saanna nga in-renew dagiti kontrata dagitoy gapu ta maibilangda a coterminous.
Inbatadna nga adda ti agarup 20 ti linitupanna a posision babaen iti administrasionna.
Immuna iti daytoy, kinataripnong ni Mayor Alcid dagiti amin a Department Heads idi kalman kagiddan ti umuna nga aldaw a panagtugawna kas baro a Local Chief Executive ditoy siudad ti Laoag.
