LAOAG CITY – Nakipagpaset ti Kaammoyo ti Kappia iti tignay protesta kagiddan ti maika-53 nga anibersario ti Martial Law ditoy pagilian.
Kuna ni Fr. Randy Manicap, pannakangiwat ti Kaammoyo ti Kappia, karaman ti Ilocos Norte kadagiti biktima ti korapsion gapu ta adda dagiti flood control projects ditoy probinsia a saan a nasayaat ti pannakaipatungpalna ken saan pay a nalpas iti baet a naideklarar dagitoyen a nalpasen ti pannakaaramidna.
Inbatana nga agingga awan ti mapagsungbat kadagiti kurakot nga opisial ti gobierno ket awan ti serserbina kadagiti naiget a maiwaywayat nga imbestigasion.
Inlawlawagna a mangnamnama ti grupoda a babaen iti naiwayat a tignay protesta ket dumngegen ti gobierno kadagiti arungaing ken panawaganda para iti pagilian.
Innayonna nga adda ti naalada a permit para iti pannakaipalubos iti panangiwayatda ti tignay protesta.
