LAOAG CITY – Possible a sumango ti agsusukot a kaso ti kaankan ni Mayor Ferdinand Aguinaldo iti ili ti Pasuquin gapu ti panagpaputok na ti paltog kadagiti tallo a babbai.
Segun kenni P/Sr. Insp. Fritz Tabula, hepe ti PNP Pasuquin, dagus da a pilaan ti reklamo ni Rogelio Aguinaldo no maala da ti palawag dagiti dua pay a babbai.
Inlawlawag na nga naala dan ti palawag ti maysa a babai nga agnagan ti Mary Jane Antonio ngem saan a makaumanay ti palawag na tapno mapilaan ti reklamo ni Aguinaldo.
Segun pay kenni PO2 Daryll Magbual, imbestigador ti PNP Pasuquin, napasamak ti indiscriminate firing iti rabii idi Marso 10 kadagiti tallo a babbai nga agawid manipud iti minatay ti kabagyan da iti Brgy. Sulongan iti nasao nga ili.
