LAOAG CITY – Maysa a baro a world record ti nagun-od ti Dao Bazai Township, Weichang Manchu and Mongol Autonomous County kalpasan a nakapartuat dagiti residente ti kaatiddogan a potato noodles.

Ti noodles ket adda ti kaatiddogna a 500.152 meters a katukad ti nasurok uppat nga American football fields.

Ti record-breaking noodle ket linuto dagiti 14 skilled noodle­artisans babaen iti tradisional a wagas karaman ti naiget a panagsagsagana ti dough, panagpaburek ken panangpalamiis daytoy tapno magun-od ti husto a texture.

Ti naimballigian a world record attempt ket naiyuswat iti Double Ninth Festival.

Daytoy a pasken ket saan laeng a nabaknang a kultura ken tradision ti Weichang no di ket nangipakita pay ti kinapateg ti potato industry iti rehion.