LAOAG CITY – Natay ti maysa a kabalyo ken nasugatan ti nanguggor iti panagdinnungpar ti maysa a karwahe ken maysa a wing van truck iti Barangay 16 iti ili ti San Nicolas.
Binigbig ni Police Captain Ashley Cacayorin, ti Deputy Chief of Police ti PNP-San Nicolas ti nanguggor iti karwahe a ni Dominador Sahagun a residente ditoy ciudad ti Laoag idinto a ti nangiturong ti truck ket ni Ayken, a residente iti Barangay 28 iti ciudad ti Batac.
Iti imbestigasyon dagiti otoridad, agawid kuma ti truck ken agturong iti abagatan idi nadungpar na ti likodan ti karwahe rason a timmayok daytoy no sadinno ket nawara ti karwahe ken dagus a pimmjusay ti kabalyo.
Nagsagaba met ti sugat iti ulo ken nagduduma a paset ti bagi ni Sahagun rason a dumalan iti CT Scan idinto a ti driver ti truck ket saan a naan-ano.
Kunana nga iti pannakisarsarita da iti driver ti truck ket naggapo isuna ditoy ciudad ti Laoag partikular iti night market ken saan na a naripar ti karwahe.
Iti agdama, adda iti kustudiyar ti PNP-San Nicolas ti driver ti truck idinto a maiyur-uray ti resulta ti medical ni Sahagun.
