LAOAG CITY – Maysa a lalaki idiay India ti nangipakita ti kinalaingna iti miniature engineering iti babaen ti panangaramid ti kabassitan a washing machine iti intero a lubong nga adda ti kadakkelna a 1.28 inches x 1.32 inches x 1.52 inches.
Kinumpirmaran ti Guinness World Records a ti washing machine ni Sebin Saji ti kabassitan iti intero a lubong.
Naammoan a tapno agbalin a kualipikado iti rekord, kasapulan a paneknekan ni Saji nga agan-andar ti washing machine-na ken kabaelanna nga agoperar ti sibubukel a cycle, ti panagugas, panagbanlaw ken panagtayyek.
Ti washing machine a kasapulan pay a rukuden ni Saji usar ti espesyal a digital calipers ket agdagsen laeng ti .88 ounces nga agarup kadagsen laeng ti dua nga Oreo cookies.
