LAOAG CITY – Kinumpirmaran ni Marites Agatol, a residente iti ili ti Paoay a makabkabin ti kabsat nga nga overseas Filipino worker idiay Oman.
Binigbig na ti OFW a kabsat na a ni Aiza Galacgac Rosales, ken addan iti maysa atawe ken pito a bulan nga adda iti nasao a lugar.
Kuna na nga innem paylaeng a bulan ti kapaot ti kabsat na ngem nakapasaren iti kinaranggas ti amo na a pulis gapu ta napadasan na ti naipaddek ti bukot ti kabsat na.
Segun kenni Agatol, masansan a makabkabil ti kabsat na gapu ta arig a pagpupungtotan da daytoy ken karaman pay ti pada na a katulong a taga Oman a nangdangran kenni Rosales.
Inbatad na a saan pay a maitedited a kumpleto ti sweldo na ken adda pay ti naminsan a saan a naited ti dua a bulan a sweldo na.
Tidda laeng a makan dagiti maitited iti kabsat na ngem saan a kinayat ti OFW ti mangan ken ananusan na laengen ti bisin na.
Innayon ni Agaton a nabayagen nga agpatpatulong ni Rosales nga agawiden ditoy pagilian uray saan na nga ileppas ti contrata na nga agngudo intono Pebrero 2021.
Inbunannag na a mensahe laeng babaen iti email ti naaw-awat ti kabsat na seknan iti panagpatulong na nga agawiden ditoy Pilipinas.
