LAOAG CITY – Maysa nga agtawen ti tallo a nuang iti kataltalonan idiay Thailand ti nabirngasan kas kadakkelan iti intero a lubong basar iti Guinness World Records.
Ti nakadakdakkel a nuang a napanaganan ti King Kong ket 6 feet and 0.8 inches manipud iti hoof agingga iti withers daytoy.
Daytoy ket agarup 20 a porsiento a nangatngato maidasig iti gagangay a kadakkel ti maysa nga adult a nuang.
Segun iti akinkukua ti Ninlanee Farm iti Nakhon Ratchasima, maripar ti naidumduma a kadakkel ni King Kong sipod idi naipasngay daytoy isu nga inikkanda isuna ti nagan manipud iti sikat a movie monster.
Iti baet ti naidumduma a kadakkelna, saan met daytoy a napeggad.
Naammoan nga inbatad ti maysa a farm worker, nasingpet ni King Kong ken mahilig nga agay-ayam, agpakudkod ken agtaray kaduana dagiti tattao iti talon.
