LAOAG CITY – Maysa a mannalon idiay Iowa, U.S.A. ti nakaapit ti kadakkelan a tarong iti intero a lubong.
Lima a tawen nga agmulmula ti giant vegetable enthusiast a ni Dave Bennet isu a nakaragragsak isuna idi makaapit ti tarong nga addaan ti kadagsen nga 8.33 pounds.
Naammoan a tapno mapaneknekan nga isuna ti addaan ti kadakkelan a tarong, dagusna a pinatawagan ni Inspector Ivan Hankins ti Iowa Department of Agriculture ken Land Stewardship’s Iowa Weights and Measures Bureau.
Kalpasan a naarisit ni Hankins ti tarong ni Bennet, nakumpirmaran a daytoy ti kadakkelan iti intero a lubong.
Iti agdama, manarimaan ti pannakikoordinar ti Bennet iti Guinness World Records ken agisubsubmitir daytoyen iti aplikasion gapu ta ti previous record iti nasao a records keeping organization ket 7.21 pounds laeng, dakdakkel ti tarong nga inmula ni Bennet.
