LAOAG CITY – Naburak ti giant vegetable enthusiast manipod Iowa ti world record kalpasan a nakaapit ti tarong nga agtagsen ti 8.33 pounds.
Inbatad ni Dave Bennett manipod Davis County a ti naapit na a tarong ket ineksamen ni Inspector Ivan Hankins ti Iowa Department of Agriculture ken Land Stewardship’s Iowa Weights and Measures Bureau.
Kinumpirmaran ni Hankins a ti 8.33-pound a tarong ket maibilang a kadagsenan ken kadakkelan iti intero a lubong.
Inpakaammo ni Bennett a lima a tawenen nga agpatpatanur ti naidumduma ti kadakkel na a tarong no sadinno nga immunan a nakagun-od ti titulo addan dua a tawen ti napalabas.
