LAOAG CITY – Awan ti maisayangkat a Kadiwa ng Pangulo iti sangoanan ti kapitolio probinsial ita nga aldaw a maudi a biernes ita a bulan ti Mayo.
Nupay kasta, inlawlawag ni Engr. Maria Teresa Bacnat, Officer In-charge ti Provincial Agriculture Office a saanna a kaipapanan daytoy a saanen a mangisayangkat ti gobierno probinsial ditoy probinsya iti Kadiwa ng Pangulo.
Segun kenkuana, ti sumaruno a Kadiwa ng Pangulo ket maiwayat iti maikadwa nga aldaw ti biernes iti bulan ti Hunyo.
Inpasigurado na pay nga iti bulan ti Hunio ket maitultuloy ti pannakaiyuswat ti nasao nga aktibidad iti tunggal maikadua ken maudi a biernes iti kada bulan ita a tawen ken awanen iti pannakaitantan na.
Inbatadna a paset daytoy iti pammilin ni Pres. Ferdinand R. Marcos Jr. a masapul a mangisayangkat dagiti amin a Local Government Units iti Kadiwa ng Pangulo mamindua a daras iti kada bulan.
