LAOAG CITY – Inpakaammu ni Engr. Rommel Batuac, ti mangidadaulo ti National Irrigation Administration (NIA) nga agtultuloy a maiyus-uswat kada-Biernes ti Kadiwa ng Pangulo program ditoy probinsya.
Segun ken Batuac, a ti bagas ket magatang iti balor a 29 a pisos kada kilo ken mabalin a gatangen dagiti uppat a vulnerable group, dagiti miembro ti Pantawid Pamilyang Pilipio Program (4Ps), solo parents, senior citizens ken dagiti person with disability (PWD).
Kunana a naruay pay laeng ti stock ti ahensya a BBM rice agraman ti Rice-for-All a bagas a magatang met iti 35 a pisos kada kilo.
Pinasingkedan na a dagiti mailaklako a bagas iti Kadiwa Center ket barbaro laeng.
Malaksid iti daytoy, iyur-uray met ti ahensya ti maiyetnag a pondo para iti contract farming ditoy probinsya.
