LAOAG CITY – Posible a makaay-ayam ni Gilas Pilipinas player Kai Sotto iti semifinals ti FIBA Olympic Qualifiers kontra iti Brazil.
Kagiddan daytoy ti panagsagabana ti injury idi laban ti Gilas kontra iti Georgia.
Inbatad ni Gilas Pilipinas team manager Richard Del Rosario nga awan ti aniaman a nakita a sakit iti resulta ti X-ray ni Sotto.
Naala ni Sotto ti injury kalpasan a nagdinnalapusda ken ni Joe Thomasson ti Georgia iti second quarter.
Gapu iti daytoy, saanen a nakasubli iti panagay-ayam ni Sotto gapu iti marikriknana.
Napateg ti presensia ni Sotto iti labanda ti ranked number 12 a Brazil idinto ti Pilipinas ket adda iti ranked 37.
Awan ti umaayam ti Brazil a nataytayag pay ngem ni Sotto no sadino ti katayagan kadakuada ket 6-foot-9.
Idi laban ti Gilas Pilipinas iti Latvia ket nakairekord ti 18 points.
