LAOAG CITY – Maysa a watchmaker idiay Russia ti nakaaramid ti kaimpisan a relo iti intero a lubong.
Ti ThinKing, maysa nga obra ti Russian watchmaker a ni Konstantin Chaykin ket nabigbig kas kaimpisan a mechanical wristwatch iti lubong iti kapuskol a 1.65 mm laeng.
Ti relo ket gapu iti pasalip iti industria ti horology no sadinno nga agbibinnalubal dagiti nalalatak a brand tapno agaramid ti kaimpisan a relo.
Dinisenio ti ThinKing babaen kadagiti baro a teknolohia kas ti ultra-thin winding barrel ken double-balance wheel system a saan laeng a napaimpis no di ket limmag-an pay iti 13.3 gramo.
Segun iti nangpartuat iti daytoy, ti ThinKing ket pammaneknek nga agtultuloy ti panagdur-as ti teknolohia ken panagbalin nga innovative ti industria dagiti relo.
