LAOAG CITY – Inpetteng ti agtawen ti 46 a singer-comedienne a ni Kakai Bautista nga awan ti dakes na ti agtalinaed a single.
Sungbat na daytoy kadagiti kanayun a mangibagbaga kenkuana nga agbaketen a balasang.
Inbatad ni Kakai nga ado dagiti mangibagbaga a naliday ti maysa a tao nga awan ti karelasyon na, ngem para kenkuana ket ado latta met dagiti single a nagtalinaed a naragsak ti biagna a kas kenkuana.
Inpaganetget na nga uray tungpal biag a single basta agtalinaed a karelasyon na ti Diyos.
Kabayatanna, binalakadan ni Kakai dagiti single wenno awan ti karelasyon na nga itultuloy latta ti agbiag a naragsak.
