LAOAG CITY – Pimmusayen ti nabatbati a sibibiag ken inaudi a kabsat ni dati a Pres. Ferdinand Marcos a ni Mrs. Fortuna Marcos-Barba.
Segun ti report, pimmusay ni Mrs. Barba bayat nga adda iti hospital idiay Manila gapu iti pneumonia, baket ken nakapsuten daytoy.
Naamuan nga idi pay Disyembre itay napan a tawen a naitaray iti hospital ni Mrs. Barba.
Ni Mrs. Barba ket ina ni Vice Gov. Angelo Marcos Barba.
Pimmusay daytoy iti tawen na nga 87 ken retirado a PE Teacher ken Tenis player.
Segun pay kadagiti naasideg iti pamilya Marcos a manamnama iti pannakaiyawid ti bangkay ni Mrs. Barba ditoy Ilocos Norte kadagiti masungsungad nga aldaw tapno ditoy a maimasayag ken maitabon.