LAOAG CITY – Nailako iti balor a $630,000 ti fedora hat nga insuot ni Harrison Ford iti pelikula nga “Indiana Jones.”
Ti nasao a kallugong ket paset ti auction nga inyuswat ti memorabilia company a Propstore no sadinno nangilakoda iti 400 memorabilias nga adda ti pakainaiganna iti American show business.
Basar kadakuada, ti kallugong ket naaramid para iti maikadua nga Indiana Jones movie nga “Indiana Jones and the Temple of Doom.”
Daytoy ti mismo a kallugong nga insuot ni Harrison Ford kabayatan a maal-alaan isuna iti pelikula idiay Sri Lanka ken dadduma pay nga eksena kas ti mine cart chase scene ken river scene a naala met iti Esltree Studios idiay Hollywood, Los Angeles, California.
Naggapu ti kallugong manipud iti koleksion ni Dean Ferrandini, ti stunt double ni Harrison Ford iti nasao a pelikula.
