LAOAG CITY – Parikot dagiti motorista ditoy siudad ti Laoag ti kalob ti kanal iti paset ti Buttong-Darayday road.
Segun ken ni Sangguniang Panlungsod Member RJ Fariñas, daytoy ket kalpasan a naobserbaran dagiti motorista nga agkuti ti landok a kalob ti kanal apaman nga adda ti dumalysat a lugan.
Gapu iti daytoy, sumagmamano kadagiti motorista ket liklikanda tapno awan ti mapasamak a saan a napintas kadakuada.
Inlawlawagna a kalikagumda a mabalbaliwan ti kalob ti kanal iti kabiitan a panawen.
Mainaig iti daytoy, kuna ni Presiding Officer Vice Mayor Rey Carlos Fariñas a posible a naisakto ti abot ti kanal iti kangatoan a partena.
Kabayatanna, mamati ni Konsehal Bryan Alcid nga awan ti pundoda para iti road right of way gapu ta ti kangrunaan a disenio ti kanal ket agsumbangir a kalsada.
