LAOAG CITY – Kinumpirmaran ni Mayor Esterlina Aguinaldo iti Sta. Praxedes, Cagayan a saan pay a mabalin a dumalyasat ti anyaman a klase ti lugan iti paset ti Sta. Praxedes nga umay ditoy Ilocos Norte.
Segun kenni Aguinaldo, daytoy ket gapo ta manarimaan ti panangtarimaan ti Dept. of Public Works and Higways ti temporaryo a detour.
Kunana a ti maar-aramid a detour ket ti mismo a bakras ti bantay.
Inbatad na a nupay pimmintas ti panawen iti nasao nga ili ket saan da pay laeng nga ipalubos a makadalysat dagiti amin a klase ti behikulo gapo iti kinarisgo na.
Gapo iti daytoy, nagpanawagan ti Mayor a saanen nga ipilit dagiti byahero ti lumasat iti nasao a paset ti kalsada tapno saan da a maisagmak ken saan nga isu ti iyal-alikaka dagiti kameng ti nagduduma nga ahensya nga agar-aramid ti detour nangruna no agtudtudo.
Inlawlawag na a basar ti DPWH ket apaman a malpas ti temporaryo a detour ita a malem ket mapalubusan dagiti light vehicles laeng gapo ta amangan no bumigay ti nag-crack a paset ti kalsada.
