LAOAG CITY – Inpasigurado ni Speaker Faustino “Bojie” Dy III iti publiko a ti national budget para iti 2026 ket maisagsagana nga addaan ti transparency ken pasungsungbatan.
Daytoy ket gapu ta nangipatungpal ti kamara de representantes kadagiti baro a sistem tapno malukatan ti proseso ti pondo tapno matingiting ti publiko ken papigsaen ti panangsubaybay kabayatan ti pannakaipatungpal daytoy.
Inbatad ni Dy a maysa kadagiti immuna a reporma nga inpatungpal na kas maika-20 nga speaker iti kongreso ket ti panangbuwangay ti Budget Amendments and Revisions Sub-Committee (BARSc), a naibilin a mangrepaso ken mapagbalin a livestream ti amin a maiyuswat a taripnong tapno makita ti kada Pilipino no kasanu a pagsasaritaan ken urnusen dagiti agpanpanday linteg ti pondo.
Kuna na nga inpaspasigurado ti nasao a reporma a dagiti panagbalbaliw iti national budget ket maiyataday dagiti prayoridad ti administrasyon ni Presidente Ferdinand Marcos Jr., karaman ti panang-rellocate dagit naala a pondo manipod kadagiti flood-control projects maiturong kadagitia inisyatibo a direkta a mairanranud kadagiti komunidad.
Innayon ti Speaker a ti 2026 General Appropriations Bill (GAB) ket maiyus-uswat a silulukat ken livestreamed a plenary sessions, a mangipalubos kadagiti civil society organizations a suruten ti proseso.
Malaksid iti transparency iti panawen ti deliberasyon, kuna ni Dy a makitintinnulong ti Kamara de representantes iti Department of Information and Communications Technology (DICT) tapno makabukel ti sistema tapno masubaybayan no kasanu nga ipatungpal dagiti ahensya ti budget no naipasan dagitoy.
Kuna na a makatulong daytoy a sistema tapno maliklikn dagiti substandard a proyekto ken ghost spending iti babaen ti real-time a panangsubaybay kadagiti proyekto iti intero a pagilian.
