LAOAG CITY – Inpasigurado ti kamara de representantes nga agtungpal da iti kiddaw ti Korte Suprema mainaig iti petisyon iti impeachment kontra ken ni Vice President Sara Duterte.
Segun ken ni House of Representatives Spokesperson Atty. Princess Abante, mangisumitir da ti nayun a sworn information nga adda ti pakainaigan ti impeachment kontra iti bise presidente.
Rakurak daytoy ni Abante kalpasan a naawat ti kamara de representantes ti kopya ti Korte Suprema idi Hulyo 8 a mangkidkiddaw dagiti dokumento mainaig iti impeachment.
Daytoy ket adda ti pakainaigan ti petisyon nga inpila ti kampo ni Duterte a mangkarkarit ti constitutionality ken ti agdama a proseso ti impeachment proceedings iti Senado.
Innayon ni Abante a ti nasao nga isyu ket in-refer dan iti Office of the Solicitor General a mangirepresentar iti kamara de representantes iti nasao a kaso.
Inpasigurado ni Abante a makikoordinar da iti Office of the Solicitor General tapno masigurado a maisumitir dagiti kidkiddawen a dokumento.
