LAOAG CITY – Inpetteng ni Bicol Saro Party-list Rep. Terry Ridon a ti impeachment process kontra ken ni Vice President Sara Duterte ket naiget a nakaibasar kadagiti pagannurutan ken natibker nga ebidensya.
Segun ken ni Ridon, miyembro ti House Committee on Justice, nakasagana ti Kamara de representantes a mangikalintegan iti patas ken legal a wagas no iyuli daytoy ti kampo ti bise presidente iti Korte Suprema.
Naglikudan ni Ridon dagiti akusasyon a dagiti reklamo ket basar laeng iti ispekulasyon.
Dinakamat na dagiti konkreto a pagibasaran kas ti report manipod iti Commission on Audit (COA) maipanggep iti P70 milyon a disallowed confidential funds, karaman ti Statement of Assets, Liabilities and Net Worth (SALN) ni Duterte.
Segun iti agpanpanday linteg, kasapulan a mailawlawag ti gidyat mapatta-patta a P30-P40 milyon a pakabuklan a sweldo ti bise presidente manipod 2007 agingga iti 2024 no ikumpara iti report na idi nga P88 milyon net worth idi 2025.
Inpasigurado ni Ridon a sursuruten da ti due process ken ipapaayan da ti gundaway ti bise presidente a sumungbat iti kada panagdengngeg.
Naikeddeng nga ituloy ti komite ti panangtingiting kadagiti dokumento ken rekord tapno maestablisar no adda ti “probable cause” tapno ituloy ti impeachment.
