LAOAG CITY – Inaprubaran ti kamara de representantes iti maikatlo ken maudi pannakaibasa ti House Bill No. 4706 a mangideklarar iti Disyembre kas National Volunteer Month ken Disyembre 5 kas National Volunteer Day.
Gagem ti gakat nga ilungalong ken papigsaen ti kultura ti volunteerism iti pagilian.
Iti botos a 263 pabor ken maysa nga abstensyon, naipasa ti gakat iti panangidaulo da House Speaker Faustino “Bojie” Dy III ken House Majority Leader Ferdinand Alexander “Sandro” Marcos.
Amendaran daytoy ti Republic Act No. 9418 wenno Volunteer Act of 2007, ken nabilin ti Philippine National Volunteer Service Coordinating Agency nga idaulwan na dagiti aktibidad tunggal selebrasyon.
Magutgutigot met ti amin nga ahensya ti gobyerno, LGUs, ken pribadong sektor a makipaset iti selebrasyon.
