LAOAG CITY – Inpabus-oy ti Kamara iti Office of the Solicitor General (OSG) ti panangsungbat iti petision ni Vice President Sara Duterte iti Korte Suprema kontra iti sangsangoenna nga impeachment complaint.
Inrakurak daytoy ni House Secretary General Reginald Velasco kalpasan nga inbilin ti Korte Suprema iti Senado ken Kamara nga agkomento iti petision ni Vice President Duterte nga ikkaten ti bileg ti maikapat nga impeachment complaint a naipila kenkuana.
Inbatad ni Velasco a naipakaammo daytoyen ti Kamara iti Office of the Solicitor General.
Inlawlawagna a ti Solicitor General ti tumaktakder a counsel ti House of Representatives iti impeachment case kontra iti Bise Presidente.
