LAOAG CITY – Inkari ni Speaker Ferdinand Martin Romualdez a lappedan ti House of Representatives ti aniaman a panangarestar nga aramiden ti China iti uneg ti 200-mile Exclusive Economic Zone ti Pilipinas.
Inbatadna a saan a kunsintiren ti Kamara ti aniaman a panangarestar kadagiti umili wenno mangngalap iti uneg mismo ti bukud nga Exclusive Economic Zone.
Kunana a dagiti agresibo a rakurak ti China ket maysa a nabara a tension iti West Philippine Sea.
Inpalgakna a dagiti unilateral nga aksyon ket nalawag a panagsalungasing iti internasyonal a linteg ken dagiti naiyatnag a pagalagadan a mangbaybayabay iti Pilipinas ken dadduma pay a pagilian a sumursurot iti linteg nga adda dagiti claim iti West Philippine Sea.
Karaman iti exclusive economic zone ti Pilipinas ket ti Scarborough wenno Panatag Shoal iti Zambales ken Pangasinan no sadino sinakup ti China idi 2012 ken ti Ayungin Shoal iti Palawan no sadino naka-station ditoy ti BRP Sierra Madre.
Inrakurak ti China nga inikkanen ti go signal ti Coast Guard nga ibalud ti 60 nga aldaw nga awan ti panagsukisok kadagiti gangganaet a dumaldalysat iti tagtagikuaenda a teritorio.
Tagtagikuaen ti Beijing iti agarup amin a paset ti West Philippine Sea a paset pay laeng ti Exclusive Economic Zone ti Pilipinas.
