LAOAG CITY – Inrekomendar ti House of Representatives ti panangipila ti kaso kontra ken ni Vice President Sara Duterte ken dadduma pay gapu iti maipagarup a technical malversation, perjury, bribery ken plunder.
Adda ti pakainaiganna iti kaso iti saan nga husto a panagusar ti confidential funds iti Office of the Vice President ken iti Department of Education.
Iti naisayangkat a plenary session, pinatibker ti Kamara ti committee report ti House Committee on Good Government and Public Accountability nga isu ti nangiwayat ti panagdengngeg ti kaso.
Basar iti committee report a napaneknekanda iti committee hearings a dumanon iti P50 milyon a public fund idinto ti confidential funds ket saan a nagusar iti husto nga agbalor ti P612.5 milyon.
Kuna ni Committee Chairperson Rep. Joel Chua a ni Duterte laeng ti kaunaan a Bise Presidente ti nagkiddaw ti sobra a confidential fund no sadinno a sumurok P125 milyon ket nagastos iti uneg laeng ti 11 nga aldaw.
Maipalagip nga immunan a naglikudan ti Bise Presidente dagiti alegasion a maibatbato kenkuana.
