LAOAG CITY – Saan nga agpaapektar ti Kamara iti aniaman a distraction tapno maiyadayo iti pudno nga isyu.
Daytoy ti inbatad ni Taguig City Rep. Amparo Maria “Pammy” Zamora, miembro ti House Blue Ribbon Committee maipanggep ken ni Vice President Sara Duterte no sadinno nga ininsultona ken nagpangta daytoy a patayen ni Pres. Ferdinand “Bongbong” Marcos Jr.
Inbatad ni Zamora no kayat talaga nga ag-camp out ni Vice Pres. Sara iti Kamara, nasaysayaat a sangoenna dagiti miembro ti Blue Ribbon Committee.
Ti desision ni Duterte a mapan iti pangopisinaan ti kabsatna iti uneg ti Batasan Complex no sadinno a nakaibalod ti chief-of-staff-na a ni Zuleika Lopez ket nangitunda ti pammabalaw manipud kadagiti agpanpanday linteg a saan a nagpangadua a nagpanawagan para iti panangsungbat kageddan ti inaramid nga ‘eksena’ ti Bise Presidente.
Karaman ditoyen ti panangpangta kontra ken ni Pres. Marcos Jr., First Lady Liza Araneta-Marcos ken Speaker Ferdinand Martin Romualdez a nangitunda ti pannakaalarma kadagiti opisial ken iti publiko.
Inpetteng pay ni Zamora a ti makapaalarma a pangta ken ti kinapateg ti democratic checks and balances.
