LAOAG CITY – Nangiparuk-at ti kamara de representantes ti subpoena para kadagiti opisyales iti Commission on Audit (COA) ken Bureau of Internal Revenue a mangibilbilin kadakuada ti panagatendar da iti dua a nabati nga impeachment complaints kontra ken ni Bise Presidente Sara Duterte.
Daytoy ket tapno mangidatag ken paneknekan da dagiti dokumento nga adda ti pakainaigan dagiti reklamo kontra iti bise presidente.
Ti subpoena ket pinirmaan da Committee on Justice Chairperson ken Batangas Representative Gerville Luistro ken House Speaker Faustino “Bojie” Dy III.
Maipalagip a karaman iti naipalaon iti reklamo kontra iti bise presidente ket gapu iti maipagarop a saan nga umiso a pannakausar ti confidential fund (CF) ti Office of the Vice President.
