LAOAG CITY – Inbatad ni Police Staff Sgt. Pepito Damasco Jr., iti Regional Mobile Force iti 101st Manuever Company a nakabase iti ili ti Badoc nga inrana da ita a Father’s day ti napan nangted ti regalo ti naam-ammo da idi nga ubing idiay Ilocos Sur.
Maipalagip a ti ubing a babae a ni Romelyn Sena, taga Cabugao, Ilocos Sur, agtawen ti siyam ket saan a dagus a naasitgan dagiti kameng ti pulisya ta kabuteng na dagitoy gapu ta isu ti pangbutbuteng kenkuana dagiti nagannak na iti bassit pay laeng.
Kuna na a napan da inikkan ti ubing ti school supplies, badbado ken groceries.
Malaksid ti ubing a taga Ilocos Sur, adda pay dagiti napili da a benepisyaryo ditoy probinsya ti Ilocos Norte a napanda met binunungan ti school supplies, badbado ken groceries.
Inbatad na a malaksid a makatulong da kadagiti ubbing ket naragsak da ti ar-aramiden da.
