LAOAG CITY – Inpakaammo ni Dr. Rufino Crabaljo, municipal veterinarian iti ili ti Bacarra a manarimaan ti panagsursur da kadagiti barangay para iti panagbakuna da kadagiti taraken nga aso.
Segun kenkuana, umabot iti uppat a ribo ti nakarehistro iti ili ti Bacarra idi tawen 2020 ken masapol a mabakunaan ti anti-rabbies.
Inbatad na nga addan ti 18 a barangay ti nalpas da a nabakunaan kadagiti taraken nga aso.
Kunana nga intono Lunes ket mapan da manen agsursur kadagiti dadduma pay a barangay para iti panagbakuna.
Malaksid iti daytoy, dagiti pay taraken a baka wenno nuang ket rumbeng nga agpurga.
Immapela pay ti doktor a makikoorperar kuma ti publiko.
