LAOAG CITY – Nagturung dagiti kameng ti Highway Patrol Group (HPG) ditoy Ilocos Norte iti Philippine Arena idiay Bulacan para iti opening ceremony ti SEA Games 2019 intono bigat.
Daytoy ti inpakaammo ni Police Major Rufino Noog, ti mangidadaulo ti HPG ditoy probinsya.
Inbatad na a maysa laeng a kameng ti HPG ti nagbati ditoy probinsya.
Inlawlawag na a tumulong da a mangiwanwan ti trapiko iti lugar ken bayabayen da dagiti VIPs a mapan agatendar iti aktibidad.
Innayon na nga agsubli da laengen ditoy probinsya kalpasan ti SEA Games 2019.
