LAOAG CITY – Inpakaammo ni Police Lt. Col. Mar Louise Bundoc, hepe ti PNP Batac a naiwarasen dagiti personnel ti pulisya para ita a Holy Week.
Kuna na a 24 nga oras ti panagsebri da para ti police visibility malaksid laeng ti Lakbay Alalay a programa tio DPWH.
Inbatad ni Bundoc a babaen ti aramiden da ket nataltalged dagiti tattao nga agbakasyon ken mapagtalinaed ti linak urnos ken talna iti siudad ti Batac.
Mainaig iti daytoy, agtultuloy met ti panagmonitor dagiti otoridad ita tiempo ti panagkampanya ken intono eleksiyon.
