LAOAG CITY – Nadanog ti maysa a kameng ti PNP Piddig babaen iti rinespondean da a nabartek a lalaki iti Brgy. 2 Anao iti nasao nga ili.
Segun kenni P/Capt. Khristopher King Ramos, hepe ti nadakamat nga ili, immuna a nakaawat da ti report nga agprobprokar babaen iti panagibubuong ken panagibatbato iti botelya ti beer ni Marco Sy, 28, awanan asawa, residente iti nasao a barangay.
Kuna na nga insigida a nagresponde da rason a natiliw da ti suspek.
Inlawlawag ni Ramos a kabayatan ti kaadda da iti kwerpo ti pulisya ket dinanog ni Sy ti makinkannigid a rupa ni Patrolman Mar Mamala iti namindwa a daras rason a nabtak ibibig ti na.
Naamoan a masansan nga agprobprobkar ti suspek iti lugar da tunggal mabartek.
Gapu iti inaramid ti suspek ken ni Mamala ken ti panagprubprubokar na iti lugar da tunggal mabartek ket posible a sumango ti kaso a direct assault upon person in authority ken alarm and scandal.
