LAOAG CITY – Manamnama a dumalan iti RT-PCR test dagiti sumagmamano a kameng ti San Nicolas Municipal Police Station kalpasan a nakapulapol da ti maysa a Person Deprive of Liberty a nagpositibo iti COVID-19 sakbay kuma a maibiyahe iti Mandaluyong City kalpasan nga adda ti pammilin ti huwes.
Umabot iti 10 a kameng ti PNP ken uppat dagiti nakadetine ti nakaisolate iti nasao a kuerpo ti pulisya.
Segun kenni Police Major Joseph Baltazar, hepe ti PNP San Nicolas, temporaryo nga usaren da kas opisina ti PNP Traffic division iti nasao nga ili.
Kabayatanna, naipan iti Takuat Center ti PDL para iti panagquarantine daytoy.
Naamuan nga umabot iti 34 a kameng ti PNP ken dua a Non-uniformed Personnel dagiti agpapaay iti nasao a kuerpo ti pulisya.
