LAOAG CITY – Sinuportaran ni Senador Christopher “Bong” Go ti Food and Drug Administration (FDA) iti kampaniana kontra kadagiti peke nga agas kageddan ti pannakaisayangkat ti National Consciousness Week Against Counterfeit Medicine.
Ti nasao nga okasion ket agserserbi kas maysa kadagiti napateg a pammalagip iti panagbalin a responsibilidad a protektaran ti salun-at iti tunggal Pilipino.
Inbatad ni Go a kasapulan ti panagtitinnulong ti gobierno, lokal a komunidad agingga iti tunggal umili tapno agbalin a natalged ti komunidad.
