LAOAG CITY – Inpasingked ni P/Capt King Ramos, hepe ti PNP Piddig a mangnayon da ti Police Visibility kadagiti lugar a pakaisaysayangkatan ti ilegal a panagsugal iti nasao nga ili.
Inbatad ni Ramos a makipagbantay payen dagiti pulis kadagiti minatayan nga adda iti pagsusugalan na.
Kunana a dagiti saan da a mabantayan nga agisaysayangkat iti ilegal nga aktibidad ket iyuswatan da iti opensiba.
Segun kenni Ramos, saan laeng a ti PNP iti adda iti obligasyon na a mangsita kadagiti agiwaywayat ti ilegal a panagsugal nudiket resposibilidad pay dagiti opisyal ti barangay a mangbantay kadagitoy.
Nupay kasta, namobilize dagiti opisyal ti barangay kadagiti lugar a pakaisaysayangkatan ti ilegal nga aktibidad aglalo kadagiti agipilpilit ken mangilemlemmeng iti ilegal a panagsugal.
Agtultuloy iti information drive ken panangisayangkat da ti barangay visitations tapno maiwaragawag iti pammilin ti higher office seknan iti naiget a pannakaipawil ti ilegal a panagsugal.
