LAOAG CITY – Nagtalinaed positibo ni Philippine Olympic Committee president Abraham “Bambol” Tolentino iti maragpat dagiti Pinoy athletes iti agtultuloy a Paris Olympics.
Daytoy ket iti baet ti nagsasaruno a pannaka-eliminate dagiti atleta ti pagilyankadagiti events, kaudian ni Tokyo bronze medalist Eumir Marcial a saanen a immabanse pay iti umuna nga elimination fight.
Segun ken ni Tolentino, maladingitan man iti napasamak ken ni Marcial ngem kasapulan latta nga umabanse ti team para iti kalkalikagoman nga Olympic medal.
Kuna na a ti kampanya ti Team Philippines para iti medalya, kangrunaan na iti balitok ket nagtalinaed nga ‘on track’ iti baet dagiti immunan nga elimination.
Malidayan ti opisyal iti naan-anay a pannakaabak ni Marcial iti damo na a kinalaban, aglalo ket nakita na no kasanu ti panagensayo na sakbay a nangrugi ti Olympics.
Malaksid ken ni Marcial, napaay pay a nakaabanse iti nangatnnggato nga elimination ti transman boxer a ni Hergie Bacyadan, rower Joannie Delgaco, gymnasts a da Levi Ruivivar, Emma Malabuyo, ken Aleah Finnegan, ken ni swimmer Kayla Sanchez.
