LAOAG CITY – Kinumpirmaran ni Police Captain Eddie Suyat, ti chief of police ti PNP-Paoay a nakapagsasaritan ti kampo dagiti uppat nga estudyante a nangdangran iti pada da nga estudyante iti Paoay Lake National High School.
Segun kenni Suyat, nagpipinnakawan dagiti estudyante ken dagiti nagannak kadakuada tapno maurnos ti nasao a pasamak.
Inbatad na a paset iti nagsasaritaan dagiti maseknan ket ibaklay dagiti uppat nga estudyante ti gastos para iti panagpaagas ti biktima ken mangited da ti sag-900 a pisos.
Mainaig iti daytoy, inlawlawag ni Suyat a basar iti imbestigasyon da ket saan a pudno ti rimwar nga impormasyon a kimmarit ti biktima ken dinanog na ti maysa kadagiti suspek..
Kabayatanna, kuna ni Suyat a manarimaan pay laeng ti imbestigasyon da no siasinno ti agtagikua iti pagtagilakoan a naggatangan dagiti ubbing ti arak.
