LAOAG CITY – Naiyakaren ni dismissed Bamban Tarlac, Mayor Alice Guo iti kustodyar ti Bureau of Jail Management and Penology (BJMP) ngem agtultuloy ti panagapela ti kampo na ngha isubli ken agtalinaed ti dati a mayor iti kustodyar ti Philippine National Police (PNP) para iti seguridad na.
Immunan a naireport a binigbig ti Pasig Regional Trial Court branch 167 ti mosyon ti kampo ni Guo nga agtalinaed ti dati a mayor iti kampo krame.
Basar pay iti legal counsel ni Guo a ni Atty. Nicole Jamilla, nangiparuk-at pay ti pammilin ti korte a temporaryo nga iyalud-od ti pannakaiyakar ti dati a mayor, agturong iti Pasig city jail.
Kinumpirmaran met ni Bureau of Jail Management and Penology spokesperson Jail Supt. Jayrex Bustinera, naawat dan ti nasao a pammilin ngem naitulnog dan ni Guo iti Pasig City ken awan ti opisyal a pammilin ti korte nga isubli da ti dati a mayor iti kampo krame isut gapuna a nagtalinaed paylaeng ti akusado iti Pasig city jail female dormitory.
Nupay kasta, iti kaiparparuk-at a pammilin ti korte ket pinaawan bileg na ti mosyon ti kampo ni Guo.
