LAOAG CITY – Mangnamnama ti kampo ni dati a Mayor Marynette Gamboa iti ili ti Dingras nga intono Disyembre 7 a pannakaiyuswat ti sumaruno nga hearing iti sangsangwen na a kaso a murder ket mapatgan ti kiddaw da makapagpyansa ti dati nga opisyal.
Segun kadagiti legal counsel ni Gamboa nga isuda Atty. Juanito Antonio ken Atty. Joel Garcia, iti pannakapresentar ti witness a ni Mr. Noel Aurellano ket naminpat a nagbaliw ti testimonya rason a patien na a mapatgan ti Petition for Bail.
Kuna ni Antonio a gapo iti agbaliw-baliw a palawag ni Aurellano ket nalawag a mangal-allilaw laeng.
Inbatad met ni Garcia a narigat a maibaga ita a gundaway no anya ti pudno kadagiti inbagbaga ni Aurelllano nangruna ket pagtalikudan na amin dagiti ummunan a testimonya na.
Mainaig iti daytoy, kuna a no saan a mapatgan ti petisyon da ket addan to manen dagti aramiden da nga addang kas iti panangiyuli da ti petisyon iti nangatngato a korte.
