LAOAG CITY – Nagpila ti kampo ni dati a Negros Oriental Representative Arnolfo “Arnie” Teves Jr. ti habeas corpus petition kalpasan ti pannakaarestar na idiay Timor-Leste.
Daytoy ti inrakurak ti legal counsel ni Teves a ni Atty. Ferdinand Topacio.
Inpetteng ni Ignacio a napan inarestar dagiti Immigration police ni Teves nga awan ti warrant of arrest nga inserbi da kontra iti kliyente na.
Inpakaammo ni Ignacio nga iti agdama ket nakabalud ni Teves iti Ministry of Interior iti Timor-Leste.
Segun ken ni Topacio, no maaprubaran ti inpila da a writ of habeas corpus ket maikabil iti korte ni Teves ken masapol a makumbinsir dagiti otoridad a nangarestar iti kliyente na no apay nga inarestar da daytoy, ken no maideportar daytoy ket ania ti pagibasaran da.
Maipalagip a ni Teves ti maitudtudo a mastermind iti pannakapapatay ken ni dati a Negros Oriental governor Roel Degamo ken siyam a sabsabali pay idi Marso 4, 2023 iti Degamo residence idiay Pamplona, Negros Oriental.
