LAOAG CITY – Kiniddaw ti kampo ni dati a Presidente Rodrigo Duterte iti International Criminal Court (ICC) Trial Chamber III a balbaliw nga ipila ti kaso kontra kenkuana.
Daytoy ket gapu ta mamati ti defense panel a linabsing ti prosecution ti karbengan ti dati a presidente a maipaayan daytoy ti impormasyon ken linaon dagiti ksao na.
Basar iti naisumitir a mosyon a pinirmaan ni lead defense counsel Peter Haynes, masdaaw no apay a kasapulan paylaeng nga iraman dagiti dati a kaso ni Duterte iti International Criminal Court.
Ti laeng kakaisuna nga agbalin a remedy daytoy ket ti panangipila manen ti prosekusyon ti kso ken ipaayan ti impormasyon ti dati a presidente mainaig iti nasao a kaso.
Maipalagip a sumangsango ni Duterte ti tallo a counts ti crime against humanity gapu iti nadara a kampanya na kontra iti illegal a droga idi panawen ti administrasyon na.
