LAOAG CITY – Nagkiddaw ti pammalubos ti defense team ni dati a Presidente Rodrigo Duterte nga idadauluan ni counsel Nicholas Kaufman iti International Criminal Court (ICC) a palubosan daytoy a mangnayon kadagiti item iti list of evidence-da.
Iti kiddaw iti International Criminal Court Pre-Trial Chamber 1 nga addaan ti petsa a Pebrero 6, 2026, nagkiddaw ti kampo ni Duterte a mangnayon ti 78 nga items iti list of evidence daytoy.
Nangiyisyu ti request ti defense team ni Duterte kalpasan nga inburay ti prosekusion ti pakabuklan a 1,242 nga items.
Kuna ti defense team a saan pay a naaddaan ti oportunidad nga arisiten ti baro a disclosure ti prosekusion no sadinno a 12 nga item ti naikonsiderar kas potentially exonerating wenno relevant iti panagsagsagana ti depensa.
