LAOAG CITY – Inakusaran ti kampo ni dati a Presidente Rodrigo Duterte ni Presidente Ferdinand Marcos Jr. nga utek iti maysa nga scheme tapno mangipatulod kadagiti testigo iti International Criminal Court (ICC).
Iti opening statement ni Nicholas Kaufman, legal counsel ni Duterte, iti confirmation of charges hearing ket inbutaktak na ti maysa a transcript ti tawag iti telepono no sadinno a maysa a saan a nainaganan nga indibidual ti maipagarop a mangkonkontrol kadagiti testigo.
Ni Duterte ket sumangsango iti tallo a kaso ti crimes against humanity mainaig iti nadara nga anti-narcotics campaign na.
Kabayatanna, pormal a kiniddaw ti kampo ni dati a Presidente Duterte kadagiti mahistrado ti International Criminal Court (ICC) nga isubli ti dati a presiente kadagiti Pilipino ken ti pamilya na.
