LAOAG CITY – Inadmitir ni Governor Imee Marcos nga marigatan da nga agkalap ti ebidensya para ti inpila nga election protest ti kabsat na a ni dati a senador Bongbong Marcos kontra kenni Vice President Leni Robredo.
Segun ti gobernador, narigrigat ti agkalap ti ebidensya iti automated election kumpara ti manual a panagbobotos.
Innayun ti gobernador nga kasapulan a makaala da ti makaumanay nga ebidensya tapno maipakita da iti korte suprema.
Mainaig iti daytoy, pinasagidan ni Gobernador Marcos ni bise presidente Robredo.
Kuna ti gobernador nga kanayun nga mangipaay ti reaksyon ni Robredo iti posible a pannakaikkat na iti pwesto nupay awan pay ti development iti kaso nga inpila ti kabsat na.
