LAOAG CITY –Naglikudan ti kampo ni dati nga house Speaker Lord Allan Velasco ken ni Vice President Sara Duterte dagiti rakuak ti naikkat a pulis a ni Rodulfo Gracioso Jr., ti akusasion a panangipatulod ken panangawat kadagiti minaleta a kuarta a naglaon ti binilyon a pisos.
Segun ken ni Atty. Rowell Ilagan, pannakangiwat ni Velasco, awan kinagpudno, ken saan awan pakainaiganna dagiti pammabasol kontra iti dati nga Speaker bayat a nadalos ti rekord daytoy iti serbisyo-publiko
Iti agsina a rakurak, naiget met a naglikudan ni Vice President Sara Duterte ti imbestigasion ken kunana a saanda nga am-ammo ni Gracioso, kageddan ti panangipasiguradoda a nakasaganan dagiti abogado a mangipila ti kaso kontra kenkuana no maala da ti opisial nga affidavit manipud iti National Bureau of investigation (NBI).
Inawagan pay ti bise presidente ti isyu kas maysa a ‘media stunt’ ken desperado nga addang ti administrasion tapno madadael ti imahena ken maidasar kas ebidensia ti impeachment kontra kenkuana.
